ფოტოგრაფია
- მასწავლებლები ნინიკო ქანთარია, ლიკა ჭანუყვაძე, მარიამ კუტუბიძე, მარიამ მატუა, თიკო თოფურიძე
- კლასი II
- სფეროები სხვა დღე
- აღწერა
- რატომ მოგვწონს ეს სხვა დღე?
- პროდუქტი
მთავარი კითხვა: როგორ შეგვიძლია ჩვენ, მეორეკლასელებს, თვალით დანახული სივრცე/ადამიანი/გარემოება ფოტოზე ავსახოთ და ფოტოგრაფების როლი მოვირგოთ?
სანამ მეორეკლასელი მოსწავლეები სხვა დღეზე ფოტოების გადაღებას შეუდგებოდნენ, რამდენიმე საფეხური გაიარეს:
- გაეცნენ სხვადასხვა ემოციური და ინფორმაციული დატვირთვის სურათებს და დაფიქრდნენ, რისი ასახვა/გადმოცემა სცადა ავტორმა ფოტოს დახმარებით;
- ამასთან, მოსწავლეებმა ფოტოგრაფიის ისტორიასა და განვითარების ეტაპებზეც მიიღეს ინფორმაცია; მოისმინეს გახანგძლივებულის მოსწავლე-ასისტენტისა და მოყვარული ფოტოგრაფის პირადი გამოცდილება - თუ რა უნდა გავითვალისწინოთ ფოტოს გადაღებისას, რა საფეხურები უნდა გავიაროთ დაგეგმვისას და როგორ მივაღწიოთ სასურველ შედეგს;
- გადაღების დაწყებამდე წინასწარ განსაზღვრეს თემა და ადგილი, დაფიქრდნენ, სად სურდათ გადაღება - შენობაში, თუ სკოლის ღია ტერიტორიაზე; ასევე შეჯერდნენ, რა ტიპის ფოტოებს გადაიღებდნენ - პორტრეტს, ბუნების ამსახველს თუ რაიმე სხვას.
ფოტოგრაფიის სხვა დღე განსაკუთრებულად რამდენიმე მიზეზის გამო მოგვწონს:
- პირველ რიგში, აღმოვაჩინეთ, რომ თითოეული ფოტო გვიყვება ამბავს, ახლავს ემოცია და ისტორია.
- ასევე მივხვდით, რომ თუ ყურადღებით დავაკვირდებით სივრცესა და ადამიანებს, ძალიან ბევრი საინტერესო და ინფორმაციული ფოტოს გადაღებას შევძლებთ.
- მივხვდით, რომ იმ ადგილებს, რომლებშიც ყოველდღიურად ვარსებობთ - სახლი, სკოლა და ა.შ. - თუ ფოტოგრაფების თვალით შევხედავთ, ხელახლა აღმოვაჩენთ და ბევრ ისეთ რამეს შევნიშნავთ, რასაც მანამდე ვერ ვხედავდით.
მოსწავლეების მიერ გადაღებული ფოტოები - ერთმანეთის ამსახველი, სკოლის შიდა და გარე ტერიტორიების აღმწერი.
