პროექტები

მთავარი კითხვა: როგორ შეგვიძლია ჩვენ, როგორც მეორეკლასელებს, შევქმნათ, დავბეჭდოთ და გავყიდოთ საახალწლო მისალოცი ბარათები?

სხვა დღის დასაწყისში მოსწავლეებმა დაათვალიერეს სხვადასხვა ტიპის მისალოცი ბარათი და დაიწყეს მათ შესახებ მსჯელობა. განსაზღვრეს ბარათების ფუნქცია და დაფიქრდნენ, თუ რა მიზანი აქვს ზოგადად მათ მომზადებას, რით განსხვავდება საჩუქრის ჩუქებისგან და რა განსხვავებაა ხელით დამზადებულსა და ნაბეჭდ მისალოც ბარათებს შორის.

მას შემდეგ რაც შეაფასეს მაღაზიებში არსებული მისალოცი ბარათები, იმსჯელეს, შეძლებდნენ თუ არა თვითონ უკეთესი და უფრო მრავალფეროვანი ბარათების დამზადებას საახალწლოდ. რადგან ამის სურვილი და მზაობა ყველას ჰქონდა, მოსწავლეებმა დაისახეს მიზანი: 

ჩვენი მიზანია შევძლოთ, რომ ახალ წელს (როდის?), სკოლაში (სად?) ჩვენი დიზაინით და ტექსტით შექმნილი მისალოცი ბარათები გავყიდოთ.

მიზნის დასახვის შემდეგ მოსწავლეებმა დეტალებზე იმსჯელეს და განსაზღვრეს სამოქმედო გეგმა. 

მეორე კვირის განმავლობაში მოსწავლეები მიჰყვნენ მათ მიერ განსაზღვრულ სამოქმედო გეგმას:

• იფიქრეს ბარათების დიზაინის იდეებსა და მისალოც ტექსტებზე;
• შექმნეს ილუსტრაციები;
• მიიღეს უკუკავშირი;
• საბოლოო დიზაინები გადაუგზავნეს სტამბას დასაბეჭდად;
• დაბეჭდვის საფასურის გარკვევის შემდეგ, გამოიყენეს მათემატიკის გაკვეთილები ბარათების ფასის დასადგენად. 

სანამ ბარათების დაბეჭდვას ელოდნენ, მოსწავლეებმა დაიწყეს მუშაობა გაყიდვის დღის მოწყობაზე:

• მოამზადეს რეკლამა;
• შეარჩიეს დრო და ადგილი;
• გაუზიარეს ინფორმაცია საკოლო საზოგადოებასა და მშობლებს. 

გაყიდვის დღის პირველ ნახევარში მათ სტენდების მომზადებაზე იმუშავეს, შემდეგ კი სხვადასხვა გადანაწილებულ როლში დახვდნენ სტუმრებს. 

სხვა დღის ბოლოს მოსწავლეებმა დრო დაუთმეს რეფლექსიას და იმსჯელეს, თუ როგორ წარმართეს პროცესი. ასევე შეჯერდნენ, რაში დახარჯავდნენ ბარათების გაყიდვის შედეგად მოპოვებულ თანხას.